Sylvester Stallone është një nga aktorët më legjendarë të Hollywood, por duket se tashmë ka ardhur koha që fëmijët e tij të jenë yjet e rinjë.
Ai ka pesë fëmijë, 2 djem dhe 3 vajza. Tre vajzat ai i ka me bashkëshorten aktuale, Jennifer Flavin. Sophia Rose, Sistine dhe Scarlet Rose janë rritur tashmë e janë bërë tre zonjusha magjepsëse, të cilat kanë arritur të shkëputen nga imazhi i të atit dhe të ndërtojnë një të ardhme professionale për llogari të tyre. Pothuajse 25 vjeç, Sophia Rose ka mbi 1,3 milionë ndjekës ne Instagram dhe është e përfshirë në disa projekte të lidhura me industrinë e produkteve kozmetike. Është e apasionuar pas letërisë dhe përpara dy vitesh përfundoi studimet në Universitetin e Kalifornisë. Sistine Stallone është 22 vjeç dhe modele; duket se do të ecë në gjurmët e së ëmës, por vazhdon ndërkohë edhe studimet e larta. Scarlet Rose është ende në gjimnaz, por edhe ajo gëzon një fizik prek modeleje dhe duket se po ndjek të njëjtën linjë me motrat.
