Vanessa Bryant, feston sot ditëlindjen e parë të së bijës, Capri. Për ta kujtuar ditën e veçantë, Vanessa postoi në llogarinë e saj të Instagram-it një foto të vogëlushes të porsalindur teksa Kobe Bryan e mbante në krahë.
"Gëzuar ditëlindjen e parë Capri! Mami, babi, Nani, Gigi dhe BB të duan shumë! Capri Kobe Bryan- "Koko -Bean", si emri i babait të saj të ndjerë. Na mungon shumë babi dhe Gigi!" - shkruan gruaja e yllit të basketbollit që humbi jetën pak muaj më parë.
Si kujtim, në 1-vjetorin e saj vajza e vogël e familjes Bryant, mori emrin e të atit Kobe Bean. Postimi i Vanessa-s erdhi pak ditë pas deklaratës se saj në rrjete sociale ku tha se i është dashur të mbyllë shumë faqe fansash në emër të Kobe-it sepse ia bëjnë edhe më të vështirë shërimin e dhimbjes.
