Kristen Wiig dhe i fejuari i saj Avi Rothman janë bërë prindër!
Çifti mirëpriti binjakët në fillim të këtij viti përmes një gruaje mbartëse, thotë një burim për PEOPLE.
Lajmi vjen pasi në gusht 2019 u konfirmua që ylli i “Bridesmaids” ishte fejuar me Rothman. Megjithatë lajmi nuk vjen aq papritur për fansat e aktores.
Në maj, Wiig la të kuptohej në një nga shfaqjet e saj në Saturday Night Live se do të bëhej nënë së shpejti, pasi falenderoi nënën e saj Laurie Johnston, që e kishte përgatitur “për të qenë vetë nënë”.
“Jam shumë mirënjohëse për të gjitha gjërat që më ka mësuar si përshembull si të jem vetë një nënë”, u shpreh ajo.
Çifti u pa për herë të parë në publik në vitin 2016, megjithëse ata kryesisht e kanë mbajtur marrëdhënien e tyre jashtë vëmendjes.
Në atë kohë, në vitin 2016, të dy u panë në Kauai, Hawaii, por ata kishin muaj që ishin lidhur.
“Ata janë vërtet të lumtur së bashku”, shtoi burimi.
Dhe e sigurt që tani duhet të jenë më shumë se kurrë!
