Ashton Kutcher ka kaluar nga duart e Demi Moore tek Rumer Willis, vajza e saj? Jo tamam, por vajza e aktores me Bruce Willis, ka pranuar se e pëlqente ish njerkun e saj, para se të martohej me nënën e saj.
“Mbaja posterat e tij në dhomë”, deklaroi vajza, e cila ishte vetëm 14 vjeç në 2003 kur nëna e saj Moore nisi të frekuentohej me Kutcher. “Pastaj ndërrova mendje, po e shihja si njerk”, ka thënë ajo.
Rumer Willis pranoi marrosjen e saj prej adoleshenteje për Ashton Kutcher, gjatë një interviste radiofonike, ku tha se, posteri i aktorit nuk ndejti gjatë i varur në murin e saj, kur mori vesh se idhulli i saj dilte me nënën.
“Në një moment i thashë motrës sime, dreqi e mori, duhet ta heq nga lista ime”, tha 26-vjeçarja Rumer.
Demi Moore, 52 vjeç dhe Ashton Kutcher, 37 vjeç kanë qënë të martuar nga 2005 deri në 2013. Rumer mësohet se ka mbajtur raporte të mira me aktorin edhe pas divorcit me nënën e saj, aq sa e ka takuar dhe uruar kur i lindi vajza, Wyatt, nga martesa me Mila Kunis.
