Një ish-ndihmëse e lartë e Melania Trump, njëkohësisht ish-mikeshë e saj, e cila ndihmoi në mbikëqyerjen e ceremonisë së përurimit të presidentit Donald Trump në vitin 2016, ka shkruar një libër me kujtime – që pretendohet se do të jetë “shpërthyes” – ku përshkruan miqësinë 15-vjeçare me Zonjën e Parë të Shteteve të Bashkuara të Amerikës.
https://lapsi.al/2018/03/01/reportazh-ne-qytetin-ballkanik-ku-fshehen-gjurmet-e-rinise-se-melania-trump/
Stephanie Winston Wolkoff luajti një rol të profilit të lartë në kalimin e Melania Trump në Shtëpinë e Bardhë për shkak të këshillimit të portofolit të saj publik.
https://lapsi.al/2016/08/22/lakuriqesia-dhe-disa-fakte-misterioze-per-gruan-e-donald-trump-foto-16/
Stephanie u detyrua të largohet nga detyra pasi u raportua se firma e saj kishte marrë 26 milionë dollarë për ndihmën e dhënë gjatë planifikimit të ceremonisë së përurimit të presidentit Trump. Asokohe, ajo kundërshtoi gjithë çfarë u tha duke theksuar se firma “mori vetëm 1,62 milion dollarë, para të ndara mes stafit”. Winston Wolkoff e kundërshtoi “pushimin nga puna” dhe pretendoi se “u flak mes katër rrugëve”.
Libri titullohet “Melania and Me” (Melania dhe unë) dhe do të botohet nga Gallery Books më 1 shtator. Libri me kujtime do të përshkruajë “udhëtimin” e Melania Trump drejt Shtëpisë së Bardhë, miqësinë e tyre dhe largimin e Winston Wolkoff nga Shtëpia e Bardhë.
https://lapsi.al/2020/06/17/biografia-tronditese-melania-trump-nje-genjeshtare-ne-shtepine-e-bardhe/
Stephanie është konsideruar si një nga mikeshat më të ngushta të Zonjës së Parë të SHBA-së. Thuhet se i dhanë fund miqësisë në 2017-n. Asokohe ajo tha për New York Times: “Pres që të mbetem një burim i besueshëm këshillash dhe mbështetjesh mbi baza joformale”.
Burimet: Variety, The Guardian/Anabel.al
