Një foto e postuar së fundmi në Instagramin e Nicki Minaj shtoi sërish spekulimet se ajo është shtatzënë. Fotoja është realizuar gjatë xhirimeve të këngës së fundit në bashkëpunim me reperin 6ix9nine.
Fansat e saj – të njohur si Barbs – vunë re një rrumbullakosje të lehtë te barku dhe janë të mendimit se Nicki do të bëhet nënë së shpejti. Nuk është hera e parë që përflitet e reperja është në pritje të ëmbël, ndërkohë që nga ana tjetër as Nicki nuk e mohuar dëshirën për t’u bërë nënë. Pas publikimit të këngës “Zanies and Fools” në bashkëpunim me Chance The Rapper, Nicki në një pjesë u shpreh se “është fejuar” dhe “do të bëhet mami”.
