Pak ditë më parë u bë me dije se Ori Nebijaj do të rikthehej në programin e saj të preferuar, “Pushime on Top”.
U tha se këtë sezon Orin do ta shohim jo vetëm si moderatore por edhe si autore të programit.
Ndërkohë pak më parë moderatorja publikoi videon promocionale të emisionit, e realizuar në Shqipëri sigurisht, ndërsa shprehet se ky do të jetë një edicion special.
“E dua adrenalinën në venat e mia”, shkruan ajo një pjesë të këngës së Imagine Dragons që është kolona zanore e videos.
Pranë moderators shfaqet edhe Flori Gjini, i cili ka prezantuar edhe më herët këtë program me Orin në krah.
Moderatori ka publikuar videon promocionale në profilin e tij ndërsa shkruan:
“Ne kerkim te bukurive te Shqiperise por edhe te shume mesazheve qe e zhvillojne ate! Ju pelqen?@pushime_on_top se shpejti!”
Me hapjen e sezonit veror, dyshja do të rikthehet me udhëtimet dhe aventurat nëpër trojet shqiptare për të zbuluar destinacionet turistike më të bukura dhe herë pas here duke intervistuar personazhe publike.
