George Floyd padyshim që do të jetë pjesë e historisë Amerikane. Protestat që patën zanafill që prej vrasjes së afroamerikanit me kërkesa e parulla për ndërprerjen e fondeve për njësinë policore të Mineapolis nuk kanë rënë në vesh të shurdhër.Këshilli i qytetit miratoi me shumicë votash, 9 me 4, shpërbërjen e gjithë departamentit lokal të policisë. Këshilltarët, shumicë dërrmuese demokratë, kërkuan krijimin e një modeli të ri për sigurinë publike.
Vendimi i pazakontë erdhi pasi efektivë të kësaj strukture u akuzuan për vrasjen e afro-amerikanit 46-vjeçar javën e kaluar nga polici Derek Shovin i cili i ushtroi presion me gju në qafë George Floyd, duke i shkaktuar vdekjen nga asfiksia. Ekspertët kërkojnë shfuqizimin e kësaj praktike të përdorur gjerësisht nga forcat e rendit në SHBA.
Pas kësaj ngjarjeje, riorganizimi i strukturave të policisë po shqyrtohet në shumë qytete, kryesisht të drejtuara nga demokratët, përfshirë edhe Nju Jorkun. Presidenti amerikan Donald Trump tha se do të tërheqë trupat e Gardës Kombëtare, pas rënies së intensitetit të dhunës në protesta.
