Aktori i njohur indian Chiranjeevi Sarja ka ndërruar jetë në moshën 39 vjeçare.
Sarja, i cili luajti në 20 filma përfshirë “Amma I Love You” vdiq nga një atak në zemër. 'Është shokuese të dëgjosh lajmet se artisti i famshëm, Shri Chiranjeevi Sarja vdiq nga një ata në zemër. Vdekja e tij e parakohshme në moshën vetëm 39 vjeçare është tronditëse. Ngushëllime familjes, Zoti u dhëntë forcë për të përballuar këtë dhimbje,”– tha kryeministri i Karnataka, B.S. Yediyurappa. Sarja, i cili gjithashtu luajti në filmat “Whistle” and “Varadanayaka”, vjen nga familje aktorësh. Xhaxhai i tij është aktori Arjun Sarja ndërsa gjyshi, aktori Shakti Prasad.
Ai u martua me aktoren Meghana Raj në vitin 2018. “Humbje tragjike për kinematografinë indiane,”– komentuan ndjekësit në rrjetet sociale. “Do na mungojë të gjithëve.”
