Quentin Tarantino ka folur së fundmi për filmin e tij të preferuar, të paktën për këtë dekadë. Regjisori është shprehur se “The Social Network” është filmi më i bukur i prodhuar në 10-vjeçarin e fundit.
Ai e ka cilësuar skenaristin Aaron Sorkin, si “dialogisti më i mirë”. Tarantino duket të jetë fans i punës së David Fincher, pasi “Figjt Club” ishte gjithashtu pjesë e listës të së preferuarve të tij, si ndër realizimet më të mira mes viteve 1992 dhe 2009. “The Social Network” tregon krijimin e Facebook dhe ngritjen në maja të Mark Zuckerberg. Filmi u nominua për tetë çmime Oscar, prej të cilave fitoi në tre kategori. Nga ana tjetër, Tarantino surprizoi vitin e shkuar, kur deklaroi që “Crawl” ishte filmi më i mirë i vitit.
