Reperi shqiptar Don Phenom ka marrë një koment vërtet të bujshëm për këngën e tij më të re që ia ka kushtuar bosit të drogës në Kolumbi, Pablo Escobar. Phenom ka vetëm pak ditë që ka publikuar këngën e titulluar “Pablo”, dhe reagimet kanë qenë fantastike. Por ajo që na tërhoqi vëmendjen është një reagim i djalit të Pablo-s, Juan, i cili jo vetëm që e ka dëgjuar por edhe e ka vlerësuar projektin më të fundit kushtuar të atit. Ky i fundit ka komentuar disa emoji yjesh në postimin e reperit shqiptar ndërsa Don Phenom i shkruan: “Shumë respekt për ty”. Juan Pablo është i njohur për publikun edhe pse ka ndjekur një rrugë tjetër nga ajo e babait të tij, larg lëndëve narkotike. Ai ka publikuar dhe një libër kushtuar të atit “Pablo Escobar: Babai im” ku flet për përjetimet personale të historive të tij. Kënga e re e reperit shqiptar është pjesë e albumit “Caliber Flow”.
