Birce Akalay është një nga aktoret më të njohura në Turqi dhe ka marrë pjesë në shumë seriale të suksesshëm. Në Shqipëri ,ajo u bë e njohur me rolin e “Asllë” në serialin “Dashuri bardh e zi”. Aktorja 35-vjeçare është shumë e komentuar në mediat turke për jetën private.
Ajo është prej vitesh në një lidhje me Fasih Saylan, por preferon që këtë lidhje mos ta bëjë publike. Aktorja u fotografua së fundmi me të dashurin dhe sipas mediave turke, ajo u tregua agresive. Birrce Akalay mbante maskë dhe ishte veshur me shumë stil. Ajo ia bëri me dorë paparacëve të largoheshin dhe nuk i ktheu asnjë përgjigje pyetjeve të gazetarëve. Mesa duket aktorja preferon jetën private ta ruajë sa më hermetike dhe larg syrit të publikut.
