Italia vazhdon të regjistrojë viktima e raste pozitive me COVID-19. Kryeministri Giuseppe Conte i ka bërë thirrje qytetarëve italianë të tregojnë kujdes e të evitojnë festat e grumbullimet.
“Nuk është koha për party, ndryshe kurba e pandemisë rrezikon të ngrihet” – ka deklaruar ai në një dalje për mediat.
Në 24 orët e fundit në Itali janë shënuar 161 viktima dhe 665 raste pozitive më shumë. Persona aktivë të infektuar me koronavurs janë 62,752.
Nurmi i përgjithsëm i viktimave është deri më sot ka kapur shifrën e 32,330 personave ndërsa numri i të infektuarve që nga nisja e pandemisë ka arritur në 227,364 persona.
Në rritje është çdo ditë edhe numri i personave të shëruar nga koronavirusi në Itali. Dita e sotme ka regjistruar 2,881 të shëruar më shumë e numri i përgjithshëm i tyre ka arritur në 132,282.
Në repartet spitalore numri i pacientëve është reduktuar në 9,654 e në repartet e terapisë intesive janë të shtruar 676 pacientë.
