Artistët kanë qëndruar gjatë gjithë natës në ambientet e Teatrit Kombëtar. Ata janë shoqëruar deri në orët e para të mëngjesit edhe nga kreu i Partisë Demokratike Lulzim Basha.
“27 muaj qëndresë e palodhur...kjo nuk është kauza jone, është kauza e te gjithëve. Mobilizim total 24 orë me të gjitha forcat për të ndaluar demarshin e krimit te veshur me pushtet. Ruajmë trashëgiminë, identitetin, dinjitetin, luftojmë për drejtësi! #rrofteteatri #europanostra #shperndaje” – shkruan Aleanca për mbrojtjen e Teatrit sot në mëngjes.
Një ditë më parë Këshilli Bashkiak ka miratuar vendimin për shembjen e godinave të Teatrit Kombëtar. Presidenti Ilir Meta depozitoi dje një padi në Gjykatën Kushtetuese. Ka reaguar edhe Europa Nostra, ku ka theksuar se Teatri është i mbrojtur nga ligji kombëtar & nga shoqëria civile dhe ekspertë. ©LAPSI.al
