Nëse jeni të dhënë pas modës me siguri e njihni Vera Wang, dizjanuesen e njohur më së shumti për fustanet e nusërisë. Por vetëm gjatë karantinës, rrjeti u vu në dijeni për moshën e saj. Është 70 vjeçe dhe po e cilësojnë si të pavdekshme.
Dhe nëse i hidhni një shikim Instagrami-t të saj me siguri do të ndiheni në ‘faj’ që keni gjetur justifikime për të abuzuar me ushqimin apo për të mos u stërvitur.Vera Wang vendosi t’i tregonte botës sekretin që fshihet pas fizikut të saj të jashtëzakonshëm: ushtrime, gjumi, kokteji me vodka dhe jo shumë diell. Kjo ishte përgjigjja që dizajnuesja i dha një prej komentuesve që shprehu dëshirën të kishte një bark të sheshtë si të sajin dhe ndaj e pyeti për rutinën. Wang garoi në Kampionatin Amerikan të Patinazhit në 1968 dhe hyri në botën e modës pasi nuk hyri në ekipin Olimpik të SHBA-ve.
