Adele mori vëmendje të madhe me publikimin e një foto-mesazhi në Instagram për ditëlindjen e saj të 32-të.
Në foto ajo falenderonte punonjësit në vijën e parë në betejën kundër koronavirusit, por diskutimi u zhvendos te pamja e saj e jashtme. Foto zbuloi se Adele kishte humbur shumë në peshë, çka u vlerësua nga një pjesë e fansave të saj, por u kritikua nga shumë të tjerë.
Tashmë ish-trajneri që e ndihmoi atë të bjerë në peshë, flet duke zbuluar edhe qëllimin: “Nuk e bëri për pamjen e jashtme, por për shëndetin”, thotë Pete Geracimo.
Në një postim të gjatë në Facebook, Geracimo thotë se “është tronditëse të lexosh mesazhe negative dhe që e akuzojnë atë për fobi ndaj mbipeshës, duke vënë në dyshim origjinalitetin e humbjes në peshë”.
Trajneri londinez shkruan se ai punoi me këngëtaren pas shtatzanisë dhe pas operacionit të saj për një periudhë 13 mujore, raporton newsbomb.al.
Ai tha se me ushtrime dhe zgjedhje më të mira ushqimore, Adele humbi peshë të konsiderueshme, dhe njerëzit e vunë re.
“Po e shoh se si Adele ka marrë gjithë këtë vëmendje dhe shumë njerëz thonë se sa e mrekullueshme duket ajo pasi humbi peshë. Të gjithë e kemi kaluar një fazë të tillë…Por pesha nuk përcakton bukurinë tonë. Pamja e jashtme nuk përcakton bukurinë. Numri në peshore nuk ju bën të denjë apo të padenjë”, shkroi blogerja dhe aktivistja e personave me aftësi të kufizuar Melissa Blake.
