Këshilli i Lartë Gjyqësor ka vendosur sot me shumicë votash që të marri vendim për të mos marrë vendim për çështjen Dvorani, pa pyetur më parë burokratët ndërkombëtarë.
I mbledhur online këtë të martë, Këshilli i Lartë Gjyqësor duhet të prononcohej për përfundimin e mandatit të gjyqtarit të lartë Ardian Dvoranit,njëkohësisht edhe kryetar i KED-së.
11 anëtarët e KLGJ janë përplasur me njëri-tjetrin, pas propozimit për të marrë mendim nga ndërkombëtarët për të vendosur për këtë çështje. Por me 7 vota pro dhe 4 kundër, mbledhja u mbyll me vendimin që për rastin Dvorani do të kërkohet opinion nga ndërkombëtarët.
Lexo më tej:
Profil/ Ardian Dvorani, gjyqtari i tre regjimeve, që shkaktoi krizën kushtetuese
"Ky vendimi që nuk merr vendim i KLGJ, por që do të pyesë medemek ekspertët e USAID dhe EURALIUS, është trishtim i madh.
Trishtim kur sheh se si institucioni i ri i Reformës nuk ka as bythë të zbatojë drejtpërdrejt Kushtetutën e Republikës!...
Edhe njëherë e përsërisim se Kushtetuta dhe Gjykata Kushtetuese e thonë qartë që "Mandati i gjyqtarit të Gjykatës së Lartë është 9 vjet" shkroi menjëherë pas kësaj ish ministri i drejtësisë Ylli Manjani, duke hedhur dyshime serioze mbi pavarësinë dhe profesionalizmin e institucioneve të reja të drejtësisë.
Në fakt mandati 9 vjeçar i Adrian Dvoranit ka mbaruar që në vitin 2014 dhe sipas Kushtetutës (nen 139) duhet të jetë një vendim i Gjykatës së Lartë që të çertifikojë fundin e tij. Por KLGJ vendosi ta marrë vetë në mënyrë të dyshimtë këtë kompetencë. Dhe pasi ia rrëmbeu atë Gjykatës së Lartë, bëri veprimin më të pamenduar: vendosi se nuk është e aftë të marrë një vendim për këtë çështje vetë.
Kështu ajo i hapi rrugën disa burokratëve me pashaportë jo shqiptare që të luajnë rrolin e Gjykatës Kushtetuese të Shqipëriisë, po të njëtëve që me një shkresë, justifikuan qëndrimin e një prokuroreje të përgjithshme antiligjore mbi dy vite në detyrë.
Pra për ta përmbledhur: që Ardian Dvorani të mbetet në krye të KLD dhe të vazhdojë si gjyqtar i lartë, aatij i lejohet të kalojë mandatin 9 vjeçar (si askujt tjetër) kësaj gjykate KLD vendos ti rrëmbejë vendimmarrjen, dhe pasi e bën këtë e quan veten të pa aftë për të vendosur, por nuk pyet As Gjykatën Kushtetuese dhe as Komisionin e Venecias, por disa rrogtarë projektesh të Euralius dhe OBDAT.
©Lapsi.al
