Një intervistë e dhënë për një media online ka ndikuar që Alban Dyrmishi të përjashtohet nga “Përputhen”.
Ka qenë vetë ai që e ka konfirmuar lajmin në InstaStory, i cili ka treguar se është përjashtuar nga autorja e programit nëpërmjet një mesazhi.
“Tani sapo më lajmëruan që për shkak të intervistës që unë kam dhënë jam përjashtuar nga emisioni, zakonisht nuk dua të prish gojën po këta njerëz e meritojnë”, shkruan Albani.
Më tej ai ka vazhduar ka postuar duke akuzuar në mënyrë të drejtpërdejtë autoren e ketij emisioni e cila është Olsa Muhameti se intervista ka qenë thjesht pretekst.
“Prej kohësh autorja e këtij programi nuk po e duronte dot mosservilizmin dhe mosbindjen time ndaj skenareve të saj amatore dhe dashakeqe, ndaj gjeti rastin sot dhe vendosi duke mos pas guximin të më kontaktoj vet personalisht po nëpërmjet vartëses së saj me pretekst intervistën time, falenderoj të gjithë ata që më kan mbështet këto kohë, dhe jam krenar që su bëra kurr pjes e asnji skenari dhe thash gjithmonë atë që desha. Olsa Shpresoj të gjesh burr, futu vet në përputhen se mosha ikën”, shkruan ish konkurenti i “Përputhen”, Alban Dyrmishi.
Por nuk ka munguar edhe reagimi i Olsës. Në një pronomcim për “News31”, ajo është shprehur se Albani ka thyer rregullat dhe prandaj është marrë vendimi për t’u përjashtuar.
“Albani ka thyer rregullat, ndaj edhe u përjashtua. Për sa kohë janë brenda programit, janë imazh i “Përputhen” dhe menaxhohen nga produksioni. Ai ka dhënë një intervistë pa marrë lejen e produksionit. Ka një kontratë që ia ndalon. Duhet të kishte kërkuar leje, produksioni e vlerëson nëse vlen si intervistë apo jo”, ka sqaruar Olsa.
Autorja e “Përputhen” ka theksuar gjithashtu se Albani ka qenë në dijeni të mënyrës se si proçedohet, por thjesht ka preferuar ta anashkalojë.
Në “Për’Puthen” tashmë është futur një vajzë e re brune mes dy bjondeve, e quajtur Margaret Shllaku. Javën e kaluar u largua çifti i parë i krijuar dhe ata ishin Ina dhe Geri.
