Superhiti Gangnam Style i këngëtarit koreanojugor Psy ka qenë videoja më e parë në Youtube për 5 vitet e fundit. Madje asaj i njihet merita se detyroi kompaninë që të rishkruante kodet e saj, pasi faqja nuk numëronte dot më shikimet, sepse nuk ishte parashikuar kurrë që një video të ndiqej kaq shumë. Por rekordet janë bërë për t’u thyer dhe Gangnam Style, pavarësisht thuajse 2,894,426,475 shikimeve e humbi kurorën e Youtube ndaj një tjetër video të një këngë tej mase popullore. Bëhet fjalë për kolonën zanore të filmit Fast and Furious 7 “See you again” të realizuar nga Wiz Khalifa dhe Charlie Puth's që tashmë ka kaluar 2,985,000,000 shikime. Por mbretërimi i videos më të shikuar në Youtube mbase do të jetë jetëshkurtër, pasi një tjetër hit po përparon me shpejtësi. Superhiti i verës “Despacito” nga Luis Fonsi ka arritur 2,5 miliardë shikime dhe nuk po ngadalëson aspak dhe ka vetëm 5 muaj nga lançimi i videoklipit. Pavarësisht se kujt i shkon titulli, lajmi më i mirë shkon për kompaninë Universal Music, e zotëron të treja këto këngë./intv.al/
Por më poshtë do mund të shikoni se cilat janë 10 këngët më të klikuara në kanalin YouTube:
1) Wiz Khalifa -See You Again (ft Charlie Puth) 2,895,373,709
2) Psy - Gangnam Style 2,894,426,475
3) Justin Bieber - Sorry 2,635,572,161
4) Mark Ronson - Uptown Funk (ft Bruno Mars) 2,550,545,717
5) Luis Fonsi - Despacito (ft Daddy Yankee) 2,482,502,747
6) Taylor Swift - Shake It Off 2,248,761,095
7) Enrique Iglesias - Bailando 2,232,756,228
8) Maroon 5 - Sugar 2,150,365,635
9) Katy Perry - Roar 2,129,400,973
10) Taylor Swift - Blank Space 2,101,607,657
