Ditën e djeshme, burime pranë çiftit Gigi Hadid dhe Zayn Malik bënë me dije se modelha është në pritje të ëmbël. Madje, të njejtat burime dhanë disa detaje, duke informuar se Gigi është në javën e 20-të të shtatzënisë. Fansat patën dyshime, pasi çifti Hadid-Malik kanë patur shpesh ulje dhe ngritje në marrëdhënien e tyre.
Por, tashmë gjithçka është konfirmuar nga Yolanda Hadid, e ëma e modeles, e cila është shprehur e emocionuar që në shtator do të bëhet gjyshe (po, SHTATOR!!!) “Sigurisht që jemi të emocionuar! Jam e emocionuar që do të bëhem gjyshe në shtator, sidomos pasi humba së fundmi mamanë time. Por kjo është e bukura e jetës, një shpirt na le dhe një tjetër na bashkohet. Ndihemi të bekuar. Mezi po pres të bëhem gjyshe!”, ka thënë Yolanda.
