Menjëherë pas ndarjes së bujshme nga partneri Dj Geek, këngëtarja Dafina Zeqiri iu fut punës për të përfunduar bashkëpunimin ndërkombëtar me dy artistët e njohur, Hamza një reper me origjinë belge dhe producentin OzTouch.
Në llogarinë e saj në Instagram, ajo tërhoqi vëmendjen e ndjekësve me vargjet e shkuara krahas një fotoje, të cilat u panë si dedikim për Dj Geek pas ndarjes.Unë e di që ty t’mundon….”- shkruante Dafina krahas fotos, fjalë që në fakt janë pjesë e tekstit të këngës së re.
Ende nuk dihet nëse kënga e re është një dedikim për dashurinë e saj të përfunduar, mirëpo diçka është e sigurt! Do të jetë hiti i ri i karantinës!
Dafina ndau në Instagram një pjesë të projektit të ri shumë ritmik dhe ndjekësit po e dashurojnë që tani.
Këngëtarja ende nuk ka bërë publike një datë zyrtare për këngën e re, megjithatë ne shpresojmë që ky projekt të vijë sa më shpejt për të na shoqëruar gjatë këtyre ditëve në izolim.
