Kryeministri britanik, Boris Johnson është bërë baba për herë të pestë. Bashkëshortja e tij, Carrie Symonds ka lindur këtë mëngjes dhe ka sjellë në jetë një djalë. Lajmin e ka bërë të ditur zëdhënësi i çiftit dhe tha se ata ishin të emocionuar për të njoftuar lindjen e djalit mëngjesin e sotëm, duke shtuar: ‘Të dy nëna dhe fëmija janë mirë’. “Kryeministri dhe Symonds janë të entuziazmuar të njoftojnë lindjen e një djali të shëndetshëm në një spital në Londër më herët këtë mëngjes”, tha zëdhënësi. Symonds është rikthyer duke jetuar me Johnson, pasi ajo më parë ishte izoluar në Camberwell, në Londrën e Jugut, me qenin e çiftit, pasi vuante nga simptomat e koronavirusit. Çifti njoftoi në shkurt se ishin fejuar dhe po prisnin një fëmijë. Johnson ka edhe katër fëmijë të tjerë nga martesat e mëparëshme.
