Duket sikur Kate Middleton dhe princ William janë bashkë prej një jete, por në fakt kanë kaluar vetëm 9 vite nga dita e dasmës së tyre. Gjatë thuajse një dekade, çifti u bënë prindër të tre fëmijëve, princi George, princeshë Charlotte dhe princi Louis.
Si për të festuar përvjetorin, në Instagram-in mbretëror u postua fotoja ikonike e çiftit nga dasma e famshme.
William dhe Kate e nisën romancën gjatë studimeve në universitetin e St Andrews dhe konfirmuan fejesën e tyre në nëntor të 2010-ës. Më 29 prill të 2019-ës, çifti u martua në Westminster Abbey para syve të gjithë botës. Ashtu siç e do tradita, të sapomartuarit dhanë një puthje në ballkonin e pallatit të Buckingham para gjithë turmës që brohorisnin të emocionuar teksa i shihnin. Pas kësaj ceremonie, Kate dhe William iu bashkuan festës private të dasmës me miqtë më të afërt dhe familjarët. Përvjetorin e 9-të, çifti mbretëror do ta festojë në Anmer Hall, shtëpinë ku po qëndrojnë të izoluar bashkë me familjen e tyre.
