Një konflikt është bërë shkak për ndalimin nga policia e dy aktorëve të njohur të humorit, Ledio Lako dhe Gent Hazizi. Ata janë konfrontuar me njëri-tjetrin për arsye që ende nuk dihen dhe janë ndaluar menjëherë pas këtij momenti nga forcat e rendit. Ngjarja siç raportohet ka ndodhur pranë zonës së quajtur “ish-ekspozita” në kryeqytet, por motivet mbeten ende të paqarta.
Burime nga policia e Tiranës kanë bërë të ditur se aktorët e njohur pas ndalimit, janë lënë pasi do të proçedohen në gjendje të lirë. Ledio Lako dhe Gent Hazizi kanë qenë disa sezone kolegë në “Portokalli”, por teksa Lako qëndroi dhe u shëndrrua një nga figurat kryesore të spektaklit, Hazizi u shkëput dhe tani e shohim si protagonist në formatin e ndjekur ‘Familja KuqEzi’.
