Jessie J dhe Channing Tatum mesa duket nuk mund të rrinë dot larg njëri-tjetrit për një kohë shumë të gjatë. Jo më larg se dje aktori i njohur festoi 40 vjetorin e lindjes dhe sigurisht që nuk kanë munguar mesazhe dhe postime të ëmbla nga Jessie J.
“Gëzuar 40 vjetorin e lindjes për këtë njeri të veçantë. Je me të vërtetë unik. Jam shumë mirënjohëse që ke lindur, por akoma më shumë mirënjohëse që u takuam”, ka shkruar ndër të tjera këngëtarja. Sipas “Mirror”, kanë qenë pikërisht këto postime nga Jessie J që kanë ngritur dyshimet se ajo dhe Channing Tatum janë rikthyer bashkë. Lidhja e tyre gjithmonë ka patur ulje dhe ngritje, ku vlen të rikujtojmë se vetëm para pak ditësh u përfol se ata të dy u ndanë pas shansit që i dhanë njëri-tjetrit në janar. Channing dhe Jessie J folën në Instagram për ribashkimin e tyre në fund të janarit një muaj para se divorci i tij me Jenna Dewan të finalizohej zyrtarisht. Ndërkohë Jenna është fejuar me aktorin Steve Kazee, me të cilin ka një djalë të sapolindur të quajtur Callum.
