Lyrical Son, në një intervistë për emisionin “Ftesë në 5” ka treguar disa detaje të pa thëna më parë rreth jetës personale. Festimi tregoi dëshirën e madhe për të pasur edhe një fëmijë tjetër, ndonëse bashkëshortja nuk ishte dakord. Teksa po fliste për fëmijët, Lyrical tregoi se një nga shtatzënitë e bashkëshortes së tij ka qenë në rrezik dhe ajo rrezikonte të abortonte fëmijën. Ai tha se mjekët bënë të pamundurën për ta shpëtuar këtë shtatzëni dhe falë Zotit ia dolën. Festimi tha se atë periudhë është lutur shumë që gjithçka të shkojë mirë dhe fjalët e tij u dëgjuan nga Zoti. Nga martesa disavjeçare me partneren, Gresa, reperi është baba i dy vajzave Eva dhe Erika.
