Bebe Rexha asnjëherë nuk ka hezituar të tregojë prejardhjen nga vjen dhe këtë ka bërë edhe mbrëmë me një postim nga vizita e saj në Shqipëri.
Vetëm se fotot i përkasin viteve ’90. Këngëtarja ka publikuar disa fotografi nga fëmijëria pasi ka hapur albumin e saj të vjetër në kohë karantine.
“Kthehem pas në kohë te kjo prerja e shkurtër e flokëve që e bëra kur isha në udhëtim në Shqipëri, tërhiqe për ta parë se sa të gjata i kisha flokët para se t’i shkurtoja”, ka shkruar ajo.
Në disa fotografi, ajo përmbledh kujtimet nga fëmijëria, me të ëmën dhe shoqërinë. Në disa të tjera shfaqet nëna e Bebe Rexhës duke gatuar ushqim në natyrë.
Këngëtarja është e apasionuar pas recetave shqiptare pasi pak ditë më parë provoi të bënte edhe një byrek për herë të parë.
