Eksperimenti britanik i “imunitetit të masës”/ Sa njerëz rrezikojnë të vdesnin nga koronavirusi
Por në gjendjen ku jemi, asnjë nga këto kushte nuk është realizuar. Vaksina do të dojë së paku edhe një vit e gjysëm që të jetë funksionale. Ndërsa për arritjen e imunitetit të masës ndodhemi ende larg. OBSH njoftoi në fillim të javës se vetëm 2- 3% e banorëve të globit janë bërë imunë ndaj infeksionit. Ndërsa një studim francez i institutit Pasteur i çonte shifrat e të prekurve në këtë vend 5- 7%. Falë masave izoluese të aplikuara kudo, vërtet është mbërritur në ndalimin e përhapjes (pra në rastet kur një i sëmurë infekton së paku edhe një person tjetër nga 3- 4 që mund të infektonte në gjende të lirë) por kjo politikë ka bërë që të mos arrihet imuniteti i grupit. Nëse këto masa lirohen dhe kthehemi në gjendjen e mëparshme, risku i mbipopullimit të spitaleve dhe i mungesës së shtretërve në reanimacion, bëhet po aq i fortë sa përpara izolimit. Pikërisht për këtë, Instituti gjerman Robert Koch (RKI), i bëri thirrje popullsisë së këtij vendi, që do të fillojë hapjen në 4 maj, se "situata është ende serioze. Nuk ka fund të epidemisë në sfond, virusi nuk është zhdukur, numri i rasteve mund të rritet përsëri. Qëndroni në shtëpi, mbani distancën- të paktën 1.5 metra. Zbatoni rregullat për kollën dhe teshtimën dhe mbani maska që mbulojnë gojën dhe hundën në hapësira publike”. Pikërishtë për këtë edhe qeveria shqiptare, duke njohur gjendjen e spitaleve tona dhe të mjeteve në dispozicion, ka kërkuar nga parlamenti zgjatjen e gjendjes së jashtëzakonshme deri në fund të qershorit. Pra, duhet të vazhdojmë të mësohemi t'i qëndrojmë larg njëri tjetrit dhe të kërkojmë leje në e- Albania, nëse duam të bëjmë një ditë plazh. Megjithëse ky izolim kufizon ndjeshëm liritë tona, me sa duket nuk kemi rrugë tjetër veçse të qëndrojmë të mbyllur duke pritur ndonjë fjalë të mirë nga Facebook-u i Ramës. ©Lapsi.al
