Beyoncé befasoi fansat dhe dashamirësit e muzikës së Disney të enjten në mbrëmje, duke u shfaqur në “Disney Family Singalong” që transmetohet në ABC.
Performanca e saj në show, në të cilin performuan nga karantina edhe Christina Aguilera, Michael Bublé, Kristin Chenoweth, Luke Evans, Josh Gad dhe John Stamos, nuk ishte njoftuar më parë.
“Do të doja t’ua kushtoja [këtë performancë] të gjithë punonjësve të kujdesit shëndetësor që na kanë mbajtur të shëndetshëm dhe të sigurt,” tha Bey. “Ju vlerësojmë jashtëzakonisht.”
Beyoncé këndoi “When You Wish Upon a Star”, kënga e famshme e Pinokut. “Jam shumë e lumtur që jam pjesë e familjes Disney,” u shpreh ajo përpara performances. Në korrik të 2019-s, Beyoncé publikoi albumin “The Lion King: The Gift”, për filmin e animuar “Mbreti Luan”, ku Beyoncé ishte e përzgjedhura për zërin e Nala-s. Albumi përmban këngë me ritme pop, RnB dhe elemente afrobeat (përzierje e muzikës afrikane me xhaz, soul dhe funk).
Premiera e versionit live-action të filmit të animuar të vitit 1992 ishte më 19 korrik.
