Lidhjet live në distancë janë boll të vështira dhe problematike. Tani imagjinoni pesë vajzat e Hostelit në Skype. Shtoni dhe dy moderatorë dhe keni në duar një segment të sotëm të “Shqipëria Live.”
Megi, Dea, Viola, Alberta dhe Ana u lidhën me Erjona Rusin dhe Flori Gjinin për të folur për sezonin e ri të “Hostel by Anabel: Si n’jetë” dhe siç u ka hije, treguan ç’mendojnë për njëra-tjetrën ose më saktë, ç’nuk i pëlqen te njëra-tjetra.
“Unë mendoj se një marrëdhënie e shëndoshë është një marrëdhënie ku gjërat thuhen si ndihen. Ne kemi shumë vite që njihemi dhe jemi aq të afërta sa mund t’i themi njëra-tjetrës gjëra që nuk na pëlqejnë dhe të jemi okay me këtë. E ndihmojmë njëra-tjetrën për të përmirësuar ato pjesë të vetes që kanë nevojë për përmirësim,” tha Megi para para se vajzat të përgjigjeshin dhe bëni mirë ta mbani vath në vesh teksa lexoni përgjigjet.
Çfarë nuk duron dot Megi te Dea: "Nuk më pëlqen fakti që llastohet dhe përton. Unë jam shumë energjike, jam në kulmin e adrenalinës dhe Dea ma vret gjithë energjinë."
Çfarë nuk i pëlqen Megit te Viola: "Kur unë i them diçka që mund ta konsiderojë të tepërt, më bën të ndihem e çuditshme. Mua në këtë grup më bëjnë të ndihem e çuditshme."
Ad by Valueimpression
Çfarë nuk i pëlqen Deas te Megi: "Që është pak hiperaktive dhe hiperbolizon gjithë gjërat dhe ndonjëherë nuk përshtatemi."
Çfarë s’i pëlqen Violës te Megi: "Megi më ngacmon gjithë kohës që unë t’i them atë frazën ‘hë moj hë ti.’"
Çfarë nuk i pëlqen Albertës te Megi: "Megi më shtyn gjithë kohës të bëj gjëra që nuk dua t’i bëj dhe herë-herë më del mirë, herë-herë më del keq. Do të doja të mos e bënte kaq shpesh këtë."
Çfarë nuk i pëlqen Anës te të gjitha: "Fakti që unë u dukem e çuditshme. Që nuk dëgjojmë të njëjtën muzikë, që nuk frekuentojmë të njëjtat vende, kam vënë re që vajzave u duket e çuditshme. Përpiqen nga pak të më japin ndikimin e tyre, por nuk dal dot nga vetja."
https://youtu.be/5Q5dBrVoh0Y
