Chrissy Teigen u ngrit një ditë me dëshirën për të postuar diçka në Twitter dhe ashtu bëri. Ajo shkroi se "reagimet e panevojshme vetë-shkatërruese janë karakteristikë e personave të shenjës së Shigjetarit", apo “është ajo budallaqe dhe i pëlqen ta bëjë një gjë të tillë”.
Kushdo – me përjashtim të fansave të Taylor – nuk gjen asnjë lidhje mes postimit të Chrissy-t dhe këngëtares. Megjithatë, Swifties qenë të mendimit se postimi ishte vjedhur nga Taylor për disa arsye: 1) Swift është Shigjetar 2) Në këngën “Archer” ajo thotë diçka të ngjashme.
“Taylor Swift më ka mësuar gjithë çfarë di, më vjen keq Chrissy,” shkruan dikush. Komentet qenë qesharake dhe të pakuptimta, aq sa Teigen iu desh të mbronte veten. “S’i kuptoj kaq shumë njerëz që shkrujnë se fraza u krijua nga Taylor Swift. Nuk po flas për Taylor-in, muzikën e të cilës e adhuroj, por [këngët e saj] nuk ekzistonin në shekullin 12,” shkroi ajo.
