Durimit të Kourtney Kardashian i erdhi fundi. Episodin e të enjtes së “Keeping Up With the Kardashians,” Kourtney njoftoi se zyrtarisht do të largohet nga seriali pas konflikteve të njëpasnjëshme me motrat. Sidoqoftë, tha se do të rikthehet të xhirojë për disa momente speicifike.
Javën e kaluar, Kourtney dhe Kim u përleshën fizikisht dhe shokuan fansat e familjen. Xhirimet ndalën për një javë dhe Kourtney dhe Kim biseduan për të zgjidhur situatën. Më pas u nisën në një udhëtim të planifikuar për në Armeni që zbuloi më tej acarimin e Kourtney-t me jetën publike. “I dua fansat, më pëlqen të flas me ta, thjesht mendoj se duke marrë parasysh gjithë gjërat që kanë ndodhur mes meje dhe motrave të mia, ky udhëtim duhej të ishte më privat,” thotë Kourtney në një nga intervistat në serial.
