Mbrëmjen e kaluar u bë i ditur lajmi se babai i Dj, Vik Krajës, doktor Dhimitër Kraja ishte infektuar me virusin ‘Covid-19’ pas rikthimit në detyrë në frontin e parë përballë të sëmurëve në spitalin infektiv.
“Shumë fjalë të ngrohta dhe urime, por nëse doni që unë dhe familja ime të ndihemi më mirë dhe të lehtësuar, ju lutem të ndiqni këshillat dhe mos thyeni rregullat e karantinës. Bëjeni të vlejë çdo sakrificë e atyre atje”, ka shkruar Viki në postimin e tij të fundit në rrjetet sociale. Kujtojmë se Kraja ka bërë prej kohesh thirrjen e tij që njerëzit të qëndrojnë në shtëpi, pasi njeri prej mjekëve, i cili u kthye në punë edhe pas pensionit ishte babai i tij.
