Një arkitekte nga Kosova dhe i ati i saj, kanë vendosur që të prodhojnë maska me printera 3D që tu vijnë në ndihmë mjekëve që janë pozicionuar në vijën e parë të luftës kundër koronavirusit si në Kosovë, edhe në Shqipëri.
Këto maska minimizojnë në maksimum kontaktin e mjekë ve me pacientët që sot më shumë se kurrë kanë mbushur spitalet në të dyjave vendet për shkak të prekjes nga ky virus i tmerrshëm. Nisma është quajtur “Face Shield Mask” dhe drejtohet nga profesori i njohur i inxhinierisë në Kosovë, Shaban Buza dhe e bija arkitekte Dea Buza. Atyre u janë bashkuar vullnetarisht edhe një grup arkitektësh që po japin gjithë idetë dhe energjitë e tyre në zhvillimin dhe finalizimin e këtij projekti.
Maska ka një rreth plastik në të cilën i bashkohet një fletë plastike e tejdukshme. Kjo garanton më tepër siguri për mjekët dhe më pak kontakte me pacientët me Covid-19.
Modeli i propozuar nga grupi i arkitektëve, riprodhohet me printer 3D bazuar në një projekt të siguruar nga bashkëpunimi i profesor Buzës me Universitetin e Transilvanisë në Rumani dhe Universitetit Politeknik të Valencias në Spanjë.
