Lezha vijon të goditet nga virusi COVID-19 në radhet e bluzave të bardha. Sipas burimeve të Faxweb.al nga spitali rajonal Lezhë janë konstatuar edhe 2 raste të reja të dyshuar me infeksion sot, bëhet fjalë për një infermiere e moshes rreth 35 vjeçare dhe një sanitare rreth 55 vjeçare.
Nga egzaminimi me tampon ato kanë rezultuar pozitive me koronavirusin COVIC-19. Ato ende ndodhen në dhomën e izolimit të ngritur në ambientet e spitalit Rajonal Lezhë në kuadër të luftes kundër COVID-19.
Rastet deri tani janë të dyshuar pasi pritet përgjigja nga Ministria e Shëndetësisë për dërgimin e tyre në spitalin infektiv të Tiranës për egzaminime të mëtejshme.
Gjatë ditës së djeshme një infermiere tjetër në Lezhë u konstatua pozitive me Covid pasi kishte pasur kontakt me një emigrant që ishte kthyer nga Italia, i cili ishte mbartës i virusit të rrezikshëm, por nuk kishte shfaqur shenja të sëmundjes.
Deri tani në vendin tonë janë konfirmuar 123 raste me koronavirus, 5 prej të cilëve kanë rezultuar fatal me humbje jete.
