Aktori Idris Elba është një nga personazhet e famshëm, të prekur nga koronavirusi. Ai e zbuloi lajmin para pak ditësh.
Por tashmë edhe e shoqja, Sabrina është prekur nga koronavirusi. Ajo nuk u distancua nga i shoqi për t’u mbrojtur nga koronavirusi. Kjo ka ndezur një debat në rrjetet sociale nëse kjo është dashuri apo papërgjegjshmëri.
“Doja të kujdesesha për tim shoq. Doja të isha me të. Instinkti i bashkëshortes më nxiti të qëndroja pranë tij,” tha ajo për Oprah. Ajo zbuloi sot në mëngjes se ishte pozitive. Çifti ndodhet në Nju Meksiko. Gruaja e aktorit të famshëm tha se nuk i vjen keq për vendimin që mori që të mos izolohej.
