Ka mbi 250,000 raste të koronavirusit në të gjithë botën dhe numri i diagnozave është në rritje. Njerëz të thjeshtë dhe të famshëm po qëndrojnë në shtëpi, si masë kryesore për parandalimin e përhapjes së virusit. Por, jo të paktë janë të famshmit që kanë konfirmuar se janë prekur nga COVID-19.
Më 11 Mars, Tom Hanks njoftoi se ai dhe gruaja e tij, aktorja Rita Wilson, u prekën nga virusi ndërsa udhëtonin në Australi, duke shënuar rastin e parë të një personi të famshëm me COVID-19. Ndërsa numri i të prekurve vazhdon të rritet, ata që janë në sy të publikut po u bëjnë thirrje njerëzve të izolohen.
Tom Hanks dhe Rita Wilson
Çifti doli pozitiv ndaj virusit dhe siguruan se po izolohen vetë gjatë periudhës së rikuperimit të tyre. Sipas një raportimi të People pak ditë më parë, pas një qëndrimi pesë-ditor në një spital të Queensland, çifti tani po qëndron i izoluar në një shtëpi me qira në Australi.
Olga Kurylenko
Më 15 Mars, Olga Kurylenko, e cila luajti me Daniel Craig në filmin James Bond të vitit 2008, Quantum of Solace, tha që ajo doli pozitive ndaj koronavirusit. Aktorja franceze me origjinë ukrainase e ndau lajmin në Instagram, ku u kërkoi ndjekësve që ta marrin seriozisht virusin.
Masoumeh Ebtekar
Nënkryetarja e Iranit u diagnostikua me virusin më 27 shkurt, duke e bërë atë zyrtaren e shtatë të qeverisë që rezultoi pozitive në një vend me mbi 14,000 raste të koronavirusit.
Sophie Grégoire Trudeau
Më 12 mars, gruaja e kryeministrit kanadez Justin Trudeau, doli pozitive për koronavirusin pasi u kthye nga një udhëtim i shkurtër nga Mbretëria e Bashkuar. Sipas një deklarate zyrtare nga zyra e kryeministrit, Grégoire Trudeau dhe burri i saj do të jenë në izolim për një periudhë dy javore.
Princi Albert II
Princi Albert II i Monakos është bërë i dyti mbretëror dhe kreu i parë i shtetit që është prekur nga virusi, duke u testuar pozitivisht më 19 Mars. Sipas një deklarate zyrtare të pallatit, princi 62-vjeçar po punon nga shtëpia e tij, nga ku po merr edhe trajtimin e nevojshëm.
Ben McAdams, anëtar i Kongresit Amerikan
Ben McAdams rezultoi pozitiv për koronavirusin e ri të mërkurën, 18 Mars 2020. Ai u bë çështja e dytë e njohur në Kongres pas Mario Diaz-Balart.
Idris Elba, aktor
Idris Elba publikoi në Twitter një video, ku deklaroi se ai kishte rezultuar pozitiv për COVID-19. Ai tha se është mirë dhe nuk ka simptoma, por është izoluar në mënyrë që të mos rrezikojë të tjerët.
Daniele Rugani, ylli i futbollit italian
Klubi i futbollit italian Juventus njoftoi të mërkurën se mbrojtësi Daniele Rugani ka dalë pozitiv ndaj koronavirusit të ri. Rugani është lojtari i parë në kategorinë më të mirë të futbollit në Itali që rezultoi pozitiv. Në një deklaratë, Juventus theksoi se 25-vjeçari nuk ka simptoma.
