Në 'Opinion' Edi Rama ka zbuluar detaje në lidhje me planin financiar të prezantuar pak orë më parë, që do të zbatojë qeveria për shkak të koronavirusit. Në plan përfshihen dhe bizneset, që sipas Ramës, shteti do u dalë garant deri në 100 milion lekë kredi, për një periudhë 3 mujore.
Rama pohoi mes të tjerash se kjo skemë, që hasi kundërshti të menjëhershme nga opozita, ka gjetur dhe mbështetjen e Guvernatorit të Bankës së Shqipërisë, Gent Sejko.
I pyetur nga moderatori Blendi Fevziu, se nëse subjektet marrin kredinë dhe më pas nuk e shlyejnë atë, apo falimentojnë, Rama u shpreh se më pas hyn në fuqi plani B. Ai nuk e sqaroi se çfarë parashikon plani B.
Rama tha edhe se të gjithë qytetarët që qëndrojnë në shtëpi dhe se për shkak të koronavirsit nuk mund të punojnë, do të marrin rrogën e tyre.
