Ditën e sotme policia ka parandaluar një akt vetëvrasjeje në Durrës.
Rreth orës 15:00, një person ka tentuar të hidhet nga kati i pestë i pallatit ku jetonte në lagjen nr. 1.
Fatmirësisht, 28-vjeçari me iniciale S.M. është shpëtuar në kohë nga policia, dhe ndodhet në gjendje të mirë shëndetësore.
“Si rezultat i një reagimi të menjëhershëm i shërbimeve të Policisë së Rendit pasi konstatuan se një shtetas po tentonte të vetëhidhej, nga kati i 5 i një pallati, në lagjen nr 1, Durrës, u bë i mundur shpëtimi në kohë i shtetasit S.M.,28 vjeç, i cili ndodhet në gjëndje të mirë shëndetësore” njofton policia.
