Ditën e djeshme u bë zyrtar lajmi se si pasojë e pandemisë së Koronavirusit, për herë të parë në 64 vite, Eurovizioni nuk do të zhvillohet.
Festivali europian i këngës do të mbahej në muajin maj në Rotterdam të Hollandës, ku do në skenë do të ngjitej dhe përfaqësuesja e Shqioërisë, Arilena Ara, me versionin anglisht të këngës “Qaj”.
Arilena ka folur për herë të parë në lidhje me këtë vendim të marrë nga Eurovision, me anë të një postimi në Instagram, ku ndër të tjera tregon dhe momente nga puna intensive që ajo dhe ekipi i saj kanë bërë muajt e fundit, për të sjellë një performacë sa më të mirë në këtë eveniment.
”Këto janë disa sekonda të shkëputura nga muaji jonë intensiv në LA, teksa punonim për ”Fall from the sky”. Nuk mund ta përshkruaj sa krenare, mirënjohëse dhe e lumtur jam për çdo moment, jo vetëm unë, por secili prej nesh për atë që i dhanë kësaj kënge. Gjithë dedikimin, pasionin, dashurinë dhe emocionin që I dhuruam. Ky është përkufizimi im i lumturisë! Faleminderit për të gjithë dashurinë dhe mbështetjen tuaj! Keni bërë që çdo përpjekje t´ja vlejë! P.s Asgjë nuk është më e rëndësishme se shëndeti. Ju lutem, qëndroni në shtëpi, qëndroni të sigurtë! Ju dërgoj gjtihë dashurinë time. Zoti ju bekoftë!”- shkruan Arilena në videon e postuar.
