Një aksident i rëndë në Fushë Krujë u ka marrë jetën 3 personave. Bëhet me dije se aksidenti ka ndodhur tek kryqëzimi i Borizanës. Një automjet “Audi” ku po udhëtonin 4 persona, është përplasur me një kamion, duke e goditur nga pas.
3 prej personave kanë humbur jetën, ndërsa pasagjeri tjetër ndodhet në gjendje të rëndë dhe po transportohet në Spitalin e Traumës në Tiranë, për mjekim të specializuar
Ende nuk dihen shkaqet e aksidentit, por dyshohet se shpejtësia ka sjellë humbjen e kontrollit. Aksidenti ka ndodhur në një orar ku nuk lejohet qarkullimi i automjeteve në Shqipëri, veç atyre që marrin një leje të posaçme nga policia.
