Në një deklarate nga selia blu, Mirela Tabaku vuri në dukje një fakt të konstatuar nga PD ditët e fundit, që ka të bëjë me uljen e numrit të testimeve për COVID 19.
Sipas saj, Shqipëria po vepron në kundërshtim me rekomandimet e OBSH-së.
"Në 10 mars, një ditë pas konfirmimit të rastit të parë, janë kryer 114 teste.
Më 11 mars – 127 teste. Me këtë ritëm është vazhduar deri të premten, kur në 15 mars janë bërë 27 teste, dje vetëm 31 dhe sot u raportua për 42 teste në 24 orët e fundit." - tha mes të tjerash Tabaku.
Ajo ngriti disa pikëpyetje që duan përgjigje: A ka mjaftueshëm kite dhe tamponë? Nëse po, pse nuk zbatohet rekomandimi i OBSH-së?
©Lapsi.al
