Ekspertë të fushës kanë nisur me studime të cilat bazohen edhe në rezultatet e mëparshme të familjes së koronavirussëve.
Nëse flasim për përfundime konkrete, sipas këtyre ekspertëve është ende herët për t’u kuptuar.
Edhe pse përhapja e shumicës së virusëve fillon dhe bie me nisjen e pranverës, asnjë e dhënë deri tani nuk ka pohuar se diçka e tillë pritet të ndodhë edhe me COVID-19.
Si Reagojnë Viruset në Temperatura të Larta?
Të shpjeguara thjeshtë, koronaviruset janë një strukturë e përbërë nga proteina dhe lipide.
Ato transmetohen nga njëri person tek tjetri përmes kontaktit fizik, por ato mbijetojnë edhe në sipërfaqe të tjera apo në pështymën e të infektuarve.
Por përmes sapunit dhe alkoolin ju mund të shkrini strukturën mbrojtëse me proteina të këtij virusi duke e ulur ndjeshëm fuqinë e virusit.
Ekspertët ndërkohë kanë vërtetuar se viruset që shkaktojnë gripin në temperature të larta me nivele të larta lagështire nuk përhapen.
Ajëri i ngrohtë përmban lagëshitrë, gjë që I parandalon viruset që përhapen mes ajërit të shpërndahen.
Gjithashtu rrezet UV të diellit luajnë rolin e një dezinfektuesi duke shkatëruar viruset nga sipërfaqja e objekteve.
Po Koronavirusi A Do Të Ndalet?
Sipas epidemologut Mark Lipstich nga Univeristeti i Harvardit, ku bazohet edhe ky artikull i AgroWEb.org, nuk ka gjasa që temperaturat të kenë ndonjë ndikim.
Ai e bazon këtë mbi faktin se koronavirusi COVID-19 është përhapur edhe në shtete ku temperaturat dhe nivelet e lagështirës janë të larta.
Nëse ky virus do të veprojë si gripi tipik, do të nisë të përkeqësohet në shtetet e Hemisferës Jugore në momentin kur stinët do të ndryshojnë.
Nga ana tjetër David Heymann nga Universiteti i Higjienëc dhe Mjekësisë Tropikale, pohon se studimet duhet që të vazhdojnë për një përgjigje edhe më konkrete.
Ai gjithashtu këshillon që të vazhdohet me karantinimet dhe eliminimin e çdo mundësie për përhapjen e mëtejshme./agroweb
