Një 35-vjeçar është vrarë me armë zjarri në Fushë Krujë. Ngjarja e rëndë ka ndodhur në fshatin Halil, mbrëmjen e kësaj të shtune.
Sipas informacioneve të para, 35-vjeçari është qëlluar me breshëri plumbash nga një i afërm, i cili është shpallur në kërkim nga policia. Viktimë ka mbetur shtetasi i identifikuar si Juljan Halili, rreth 35 vjeç dhe dyshohet se është qëlluar për vdekje me pistoletë nga xhaxhai i tij Shkëlqim Halili, 57-vjeç.
Për kapjen e autorit janë ngritur disa postblloqe. Ndërsa ende nuk dihen rrethanat e ngjarjes. Policia dhe grupi hetimor po punojnë për zbardhjen e rrethanave të vrasjes.
