Tirana, Durrësi, Lushnje, Elbasan, Fier dhe Rrogozhinë, janë qytetet e prekura nga koronavirusi COVID-19. Këtë të shtunë numri i të infektuarve arriti në 38 sipas Ministrisë së Shëndetësisë, nga 505 raste të dyshuara. 5 raste të reja janë shtuar në krahasim me 24 orë më parë.
Tirana mban numrin më të madh të të infektuarve me 22 raste. Në Durrës janë 5 raste (njëri prej të cilëve ka ndërruar jetë, gruaja 73-vjeçare). Lushnja dhe Elbasani dhe Rrogozhina kanë nga dy raste. Ndërsa në Fier kanë rezultuar pozitiv me COVID-19, 5 raste.
Ministria e Shëndetësisë thotë se 12 persona ndodhen të shtruar te Spitali Infektiv, ndërsa dy janë në terapi intensive, një 66 vjeçar nga Lushnja dhe një 61-vjecare nga Fieri.
Ndërsa pjesa tjetër e të shtruarve në pavion janë në gjendje të stabilizuar deri në këto momente.
