Në një deklaratë të përbashkët për mediat me ministren e Shëndetësisë, Ogerta Manastirliu, kryeministri Rama u mor sërish me gazetarët. Duke iu referuar Sonila Mecos, e cila gjatë emisionit të mbrëmshëm live ka telefonuar numrin e urgjencës 127 për ta provuar nëse funksiononte apo jo, Rama tha se ky numër nuk është për gallatë.
“Unë kam vite që nuk ulem në darkë të shoh debatet në televizione. Si mund të mblidhen një tufë gazetarësh aty në studio, të bëjnë debat për koronavirusin dhe të provojnë 127? Për provë? Pse për çfarë është 127, për gallatë?”- tha Rama.
