Por pas publikimit të videos nga mjeku Ilir Allkja, e cila u përdor gjithashtu edhe nga kryetari i opozitës, Lulzim Basha gjatë një bashkëbisedimi me gazetarët, ka reaguar menjëherë ministrja e Shëndetësisë, Ogerta Manastirliu. Ajo thotë se Basha po abuzon me publikun teksa publikon edhe foton e mjekut me pajisjet speciale. Mjeku Ilir Allkja pretendon në dëshminë e tij se nuk kanë veshje speciale për të vizituar pacientët e dyshuar me koronavirus.
Reagimi i Manastirliut
Lulzim Basha sapo abuzoi përsëri me publikun, duke nxjerrë videon e një mjeku të QSUT, me pretendimin që ishte i papajisur me veshjen mbrojtëse apo me “pajisjen mbrojtëse”, siç e quajti! Nuk e di çfarë e ka shtyrë mjekun në fjalë të thotë që s’ishte i pajisur me veshjen speciale. Nuk e di në cilën gjuhë të botës mund t’i thuhet Lulzim Bashës, që kjo që po bën përditë është skandaloze, e turpshme, kriminale! Por di që kjo foto është postuar nga vetë mjeku që u prezantua sot nga Lulzim Basha, njësoj si “1.2 milion maskat helmuese” që dje!
