Asnjë person nga personeli mjekësor në Spitalin e Durrësit nuk janë të infektuar me Covid-19. Sipas rezultateve të mbërrituta nga Tirana, të gjithë mjekët, infermierët apo pjesëtarë të stafit mjekësor të Spitalit të Durrësit nuk kanë rezultuar pozitivë për koronavirus. Ata iu nënshtruan analizës pasi pacientja 73-vjeçare, e cila ndërroi jetë ditën e sotme në Spitalin e Durrësit, ishte e infektuar me koronavirus.
Ministria e Shëndetësisë dhe Instituti i Shëndetit Publik gjurmoi kontaktet që ka pasur e moshura, e cila tashmë është viktima e parë në Shqipëri nga virusi COVID-19 dhe 16 infermierë, 23 mjekë dhe 6 sanitarë të Repartit të Patologjisë, të cilët sot nuk janë paraqitur në punë, iu nënshtruan analizës.
