Pas konfirmimit të dy rasteve të para me koronavirus një babai dhe nje djali të ardhur nga Firence, qeveria ka vendosur mbylljen e te gjitha shkollave per dy jave. Bashkëngjitur me të do pezullohen fluturimet me Veriun e Italise dhe “zonat e kuqe” ku vendi fqinjë ka futur në karantinë 15 milionë qytetarë, në lombardi dhe Veneto.
Kryeministri Rama nga mbledhja e sotme e qeverisë ku u vendos për këto masa tha: “Masat e sotme, gjithnjë në ndjekje të protokollit të përcaktuar janë pezullimi i fluturimeve direkte nga Veriu i Italisë dhe me të gjitha zonat e kuqe deri në datën 3 prill, mbyllja e institucioneve arsimore për 2 javë për të ndaluar përhapjen e pastaj vlerësimi më tej.
"Ministrja e Shëndetësisë Ogerta Manastirliu ka raportuar se “Jane konfirmuar dy rastet e para me COVID -19, dy qytetare 54 vjec dhe 28 vjec banues në Tiranë, rast i importuar që ka udhëtuar nga Firence në Shqiperi, ku ka hyrë përmes pikes kufitare te Hanit të Hotit në 26 shkurt, ndërkohë që babai është rast i konfirmuar si kontakt i ngushtë" tregoi ajo.
Rama ka bere apel per kujdes per vizitat neper spital, qe te shmangen sa me shume vizitat per te afermit e shtruar aty.
“Do ju lutesha shumë atyre që kanë të afërm në spital në QSUT të kufizojnë maksimalisht vizitat de të lehtësojnë punën e gjithë personelit por edhe të tonën e përbashkët" tha ai.
Por kryeministri Edi Rama ka deklaruar sot nga mbledhja e jashtëzakonshme e Qeverisë, se OBSH kundërshton me forcë mbylljen e kufijve.“Në gjithë vendet ku ka prevaluar qetësia dhe vetëpërmbajtja dhe administrimi i këtij fenomeni kërcënues është më i mirë. OBSH kundërshton me forcë mbylljen e kufijve. E them këtë se në mënyrë të vazhdueshme është predikuar nga burime të pacertifikuara që nuk kanë asnjë kompetencë për këshilltarin apo sugjeruesin se duheshin mbyllur kufijtë dhe sic tregojnë eksperiencat e vendeve mbyllja e kufijve është një masë shumë drastike e papërdoruar pothuajse fare apo pjesërisht në raste shumë specifike të lidhur me të dhëna shumë specifike që vendi sot nuk i ka”- tha kryeministri Rama.
©Lapsi.al
Masat perveç mbylljes së shkollave
1- Mbyllja e aktiviteteve publike apo jopublike, grumbullimet, konferencat, ndeshje sportive, koncerte, tubime, dëgjesa publike deri më 3 prill.
2- Vetëkarantinim i detyruar për qytetarët që vijnë nga nga ”zonat e kuqe” të vendeve të prekura.
3- Ndalimi i eksportit të barnave dhe pajisjeve mjekësore ato do të kryhen me autorizim
4- Kufizimin e lëvizjes së shoqëruesve dhe familjarëve për pacientët, në spital ndalohet hyrja e familjarëve apo shoqëruesve. Me përjaashtim kur kërkohet nga mjekët apo Drejtoria e Spitaleve. Ftojmë qytetarët të zbatojnë rregullin.
5- 400 milion lekë të cilat vjnë për mbështetjen e sistemit shëndetësor në kuadër të masave paraprake për parandalimin e koronavirusit do të shkojnë për fuqizimin e flotës së aparaturave dhe rritjen e stokut të mjeteve mbrojtëse personale.
