Bëri xhiron e rrjetit pak ditë më parë deklarata bombë e modeles Jessica Kadiu, e cila pranonte lidhjen me Robert Berishën pasi ai e kishte mohuar kategorikisht.
Ajo tregonte se e dashuronte Robertin akoma dhe shpresonte që një ditë të mund të ktheheshin sërish bashkë, duke e falenderuar ndërkohë për të gjithë dashurinë që ai i kishte dhuruar.
Roberti nuk reagoi publikisht pas kësaj deklarate dhe menduam se gjërat u lanë me kaq.
Mirëpo, pas një kërkimi në Instagram vumë re se dy “zogjtë e dashuruar” që dikur nuk ndiqeshin në rrjete sociale, tani i kanë bërë follow njëri-tjetrit në Instagram.
Për më tepër, Roberti ka pëlqyer një foto seksi të modeles të publikuar disa orë më parë, ku kishte pozuar me bikini në plazh.
Duket se diçka po ndodh mes tyre dhe të gjitha këto gjeste na lënë vend të mendojmë se dyshja po pajtohet.
Megjithatë, nuk kemi ende asgjë të sigurt derisa të flasë vetë Roberti, apo derisa Jessica të plasë “bombën” e radhës.
